Almaniya “Patriot” sistemlərini 2023-cü ilin iyununa qədər Polşadan çıxaracaq.
Sitat.info xəbər verir ki, bu barədə Almaniya mediası Federal Müdafiə Nazirliyindəki mənbəyə istinadən məlumat yayıb.
Həmçinin, 2023-cü ilin sonuna qədər “Patriot” sistemlərinin Slovakiyadan da çıxarılacağı bildirilir.
Almaniya MN məsələ ilə bağlı artıq ölkələrin məlumatlandırıldığını qeyd edib.
Xatırladaq ki, raket sistemləri 2023-cü ilin yanvarında ölkə ərazisinə mərmi düşəndən sonra Polşaya təhvil verilmişdi.