Rusiya ilə Ukrayna arasında müharibənin uzun müddət davam edəcəyini düşünsək, ən azı altı NATO ölkəsinin (Polşa, Litva, Latviya, Estoniya, Finlandiya, Böyük Britaniya) hərbçiləri Ukrayna Silahlı Qüvvələrinin tərəfində dayanacaq.
Sitat.info xəbər verir ki, bunu rusiyalı politoloq və publisist Andrey Piontkovski deyib.
"Baltikyanı ölkələr üçün də, bizim üçün də bu, ölüm-dirim məsələsi olacaq. Britaniyalılar üçün bu gün Putinlə təkbətək döyüşən Ukrayna 1940-cı ildə Hitlerlə təkbətək döyüşən İngiltərədir.
Əminəm ki, işlər uzun sürən müharibəyə getməyəcək. Kiyev tərəfdaşları Ukrayna Silahlı Qüvvələrini yaz əks-hücumunun uğuru üçün lazım olan hər şeylə təmin edəcəklər. Krım körpüsü və digər hərbi obyektlər, o cümlədən yarımadadakı işğalçılar ATACMS raketləri ilə məhv ediləcək", - o bildirib.