Simpsonların öncəgörücülüyü yenə düz çıxdı. 2015-ci ildə bilirdilər...
Yaxın gələcəklə bağlı proqnozları ilə dünyanı heyrətə salan “Simpsonlar” adlı kult serialının öncəgörücülüyü növbəti dəfə gerçəkləşdi. "The Simpsons" filminin prodüseri 2015-ci ildə yayımlanan bir epizoddan kadrı Twitter-də paylaşdıqda sosial media çalxalandı.
1989-cu ildə yayımlanan ilk bölümündən bəri davam edən Simpsonlar, bu günə qədər dəfələrlə gələcəyi doğru bilərək hər kəsi təəccübləndirib. Onun 30 il əvvəl verdiyi proqnozlarla dünya Simpsonların "kəhanetləri" ilə maraqlanmağa başladı.
2007-ci ildə film olaraq da tamaşaçıların qarşısına çıxan Simpsonlar, koronavirus epidemiyası da daxil olmaqla, bir sıra qorxulu proqnozlar verdi. Əfsanəvi serialda Donald Trampın prezidentliyindən tutmuş üçgözlü mutant balığın kəşfinə və hətta Londondakı “The Shard” göydələninin ucaldılmasına qədər dünyanın bir çox böyük hadisələri proqnozlaşdırılırdı. Simpsonlar həmçinin Dünya Kubokunun və Super Boulun qaliblərini dəqiq proqnozlaşdırdılar, Ledi Qaqanın Super Bowl-da 2017-ci il fasiləsi şousunda çıxışından əvvəl göydən endiyini göstərdilər.
4 avqust 2020-ci ildə Livanın paytaxtı Beyrutdakı liman partlayışlarını da proqnozlaşdıran cizgi filmi iş adamı Ser Riçard Bransonun kosmosa uçuşunu da düzgün apara bilib. Özünün “Virgin Galactic” şirkətinin raketi ilə kosmosa çıxan Bransonun şəkli 2014-cü ildə yayımlanan “The Simpsons” serialının 25-ci sezonunun 15-ci seriyasından demək olar ki, bir səhnəni xatırladırdı.
Gələk bu günə... Ötən gün ABŞ-da görünməmiş hadisə baş verib və ABŞ-ın keçmiş prezidenti Donald Tramp üçüncü dəfə namizədliyini açıqlayıb. Tramp çıxışında Co Baydenin idarəçiliyində olan ölkəyə distopik bir mənzərə çəkərək, "Millətimiz dağılır. Milyonlarla amerikalı məyusdur. Mən Baydenin daha 4 il qalib gəlməsinə mane olacağam". Keçmiş ABŞ liderinin seçkilərdə məğlub olduqdan sonra yenidən namizədliyini elan etməsi qeyri-adi deyil və bu açıqlamadan çox keçməmiş The Simpsons filminin prodüseri cizgi serialının bir daha gələcəyi proqnozlaşdırdığını iddia etdi. Simpsons-un ssenari müəllifi Al Jean, 2015-ci ildə yayımlanan, uçan Homer Simpsonun və arxa fonda “Trump 2024” yazılan lövhənin əks olunduğu epizodun skrinşotunu paylaşıb.
Gülsüm,
SİTAT.İNFO