Asiya-Sakit Okean ölkələrinin liderləri Taylandda keçirilən Asiya-Sakit Okean İqtisadi Əməkdaşlıq Təşkilatının (APEC) Sammitində Rusiyanın Ukraynaya qarşı müharibəsinə son qoymağa çağırıblar.
Sitat.info xəbər verir ki, APEC liderlərinin yaydığı bəyanatda Rusiya-Ukrayna müharibəsinin mənfi təsirlərinə işarə edilib.
Açıqlamada bir çox ölkənin Ukraynadakı müharibəni pislədiyi, müharibə və təhlükəsizliklə bağlı məsələlərin "qlobal iqtisadiyyat üçün ciddi nəticələrə səbəb ola biləcəyi" vurğulanıb.
Müharibənin dərin inflyasiya, ərzaq təhlükəsizliyi və tədarük zəncirində problemlər yaratdığı qeyd edilən bəyannamədə Birləşmiş Millətlər Təşkilatının (BMT) Baş Assambleyası martın 2-də “Rusiya Federasiyasının bütün hərbi qüvvələri dərhal, tam və qeyd-şərtsiz Ukrayna ərazisindən onun beynəlxalq səviyyədə tanınmış sərhədləri daxilində, onun geri çəkilməsi xahiş olunur”.
Seymur Bənnayev
SİTAT.İNFO