Almaniya kansleri Olaf Scholz, Avropada mövcud iqtisadi tənəzzülün yaranmasında Rusiya və ya koronavirusun deyil, Asiyada artımın rol oynadığını söylədi.
Çərşənbə axşamı günü Berlində Suddeutsche Zeitung tərəfindən keçirilən iqtisadiyyat sammitində danışan Scholz, Şimali Amerika və Avropa ölkələrinin illərlə davam edən davamlı böyüməsi, aşağı inflyasiya və yüksək məşğulluq nisbətlərinin birləşməsindən faydalandıqlarını söylədi.
Amma kanslerin fikrincə, bu, daha uzun müddət davam edəcəyini gözləmək mümkün olmayan “iqtisadi istisnadır”.
"Rusiyanın Ukraynaya qarşı müharibəsi və COVID-19 pandemiyasının iqtisadi nəticələri bu dövrün sonunu tezləşdirə bilərdi. Lakin deməliyəm ki, onlar tətikləyicilər deyildi", - siyasətçi deyib.
Scholz bildirib ki, onilliklər ərzində Vyetnam və İndoneziya kimi ölkələr əsasən Avropa, Amerika və Çin bazarları üçün ucuz malların mənbəyi kimi görünürdülər.
Asiya ölkələrində orta səviyyəli insanların sayında kəskin artım müşahidə olunur. Bu insanların alıcılıq qabiliyyəti də müvafiq olaraq artır. Almaniya kansleri bunun başqa yerlərdə inflyasiyanın artmasına səbəb olduğunu irəli sürdü.
Seymur Bənnayev
Sitat.info