Türkiyənin Taksim meydanındakı terrordan sonra apardığı "Pəncə Qılınc" əməliyyatı davam edir. Əməliyyatda indiyədək 471 hədəf atəşə tutulub, 254 terrorçu məhv edilib.
Sitat.info xəbər verir ki, bu barədə Türkiyə Milli Müdafiə Nazirliyindən məlumat verilib.
“Mənfur terrorçular mülki hədəflərə hücum ediblər. Ən qısa zamanda onları susduracağıq. Hesablaşma vaxtıdır. Görəcəklər ki, Türkiyə Silahlı Qüvvələri ilə heç bir oyun oynanılmayacaq”. - Müdafiə naziri Hülusi Akar deyib.
O qeyd edib ki, Türkiyə Silahlı Qüvvələrinin terrorla mübarizədəki uğurlarına böhtan və fitnə-fəsadla kölgə salmağa çalışırlar: " Bir daha bildirirəm ki, TSK-nın yeganə hədəfi terrorçular və terrorçulara aid strukturlardır. Bizim heç bir etnik, dini, məzhəb qrupları ilə, kürd, ərəb qardaşlarımızla heç bir problemimiz yoxdur".
Nərgiz,
Sitat.info