Serbiyanın cənub-şərqində ammonyak daşıyan yük qatarının relsdən çıxması nəticəsində baş verən sızma zamanı 50 nəfər zəhərlənib, 1 nəfər ölüb.
Sitat.info xəbər verir ki, Serbiyanın cənub-şərqindəki Pirot şəhərində Niş-Dimitrovqrad dəmir yolu xəttində ammonyak daşıyan yük qatarı relsdən çıxıb.
Zamex.az - Sizin sürətli və ucuz karqonuz....
Aşan vaqonda sızma səbəbindən 51 nəfər zəhərlənmə əlaməti ilə xəstəxanaya yerləşdirilib. Xəstəxanaya yerləşdirilən bir nəfərin öldüyü açıqlanıb.
Dünən yerli vaxtla saat 17.30 radələrində baş verən qəzadan sonra səlahiyyətlilər bölgə əhalisinə evdən çıxmamaq barədə xəbərdarlıq edib.
Sızma səbəbindən Bolqarıstana gedən beynəlxalq magistralda görmə məsafəsinin azalması çoxlu qəzalara səbəb olub. Milad bayramı ilə əlaqədar nəqliyyatın sıx olduğu yolda polislər nəqliyyat vasitələrini alternativ yollara yönəldib.
Səid,
Sitat.info