Meksikada həbsxanada baş verən iğtişaş və qarşıdurmada 10-u mühafizəçi olmaqla 14 nəfərin həyatını itirdiyi bildirilib. İğtişaşın məhbusların qaçmaq cəhdi nəticəsində baş verdiyi güman edilir.
Sitat.info xəbər verir ki, Meksika mətbuatında yer alan xəbərə görə, Çihuahua əyalətindəki Xuarez həbsxanasının 3 saylı Dövlət Sosial Reinteqrasiya Mərkəzində iğtişaş baş verib.
Juarez Bələdiyyə Başçısı Kruz Peres Kuellar mətbuata verdiyi açıqlamada iğtişaşlarda aralarında mühafizəçilər və məhbusların da olduğu 14 nəfərin həyatını itirdiyini bildirib.
Həyatını itirənlərdən 10 nəfərinin mühafizəçi olduğu üsyanın məhbusların qaçmaq cəhdi nəticəsində baş verdiyi düşünülür.
Çihuahua Prokurorluğu həbsxanada vəziyyətin nəzarət altında olduğunu və hadisə ilə bağlı 5 nəfərin saxlanıldığını bildirib.
Seymur Bənnayev
Sitat.info