ABŞ dövlət katibi Antoni Blinken, 30 ildən sonra Solomon adalarının paytaxtı Honiarada ABŞ səfirliyinin açıldığını dünən elan edib.
Sitat.info xəbər verir ki, daha əvvəl ABŞ-ın Solomon Adalarındakı səfirliyi 5 il xidmət etmiş, 1993-cü ildə isə diplomatik postların qlobal ixtisarının bir hissəsi olaraq bağlanmışdır.
Səfirliyin açılmasının iki ölkə arasında iqtisadi əlaqələri gücləndirəcəyini vurğulayan ABŞ dövlət katibi Antoni Blinken, bölgədə daha çox diplomatik nümayəndəliklərin yerləşdiriləcəyini bildirib.
Seymur Bənnayev
Sitat.info