Rusiya prezidenti Vladimir Putin, Avropa ölkələrini, o cümlədən Almaniyanı Rusiya ilə yeni müharibəyə çəkənlərin və qələbə gözləyənlərin onlarla müasir müharibənin tamamilə fərqli olacağını anlamadıqlarını ifadə edərək: “İnanılmazdır, amma həqiqətdir. Biz yenə üzərində xaç olan "Leopard" tankları ilə təhdid olunuruq",-deyə bildirib.
Sitat.info xəbər verir ki, Putin, Stalinqrad döyüşündə nasist qoşunlarının Qırmızı Ordu tərəfindən məğlub edilməsinin 80 illiyi münasibətilə keçirilən tədbirlər çərçivəsində keçirilən konsertdən əvvəl çıxış edib.
Düz 80 il əvvəl, Stalinqradda uzun və ağır müharibənin başa çatdığını deyən Putin, bu müharibənin nəticəsinin təkcə Rusiyada baş vermiş Böyük Vətən Müharibəsinin deyil, bütün II Dünya Müharibəsinin nəticəsini müəyyən etdiyini bildirib.
Stalinqrad döyüşünün tarixdə dönüş nöqtəsi olduğuna diqqət çəkən Putin, Vermaxtın (Nasist Almaniyasının silahlı qüvvələrinin) ən böyük qrupu və onun peyklərinin məğlubiyyəti ilə birlikdə Nasist Almaniyasının Avropa vassalları və əlaltılarından ibarət bütün Hitler koalisiyasının iradəsinin məğlub olduğunu söylədi.
Nuriyyə Musayeva
Sitat.info