Xəbər verdiyimiz kimi, Türkiyənin Kahramanmaraş şəhərində 7,4 bal gücündə zəlzələ baş verib.
“Qafqazinfo”nun Türkiyə mətbuatına istinadən məlumatına görə, güclü zəlzələ nəticəsində Hatayda hava limanının uçuş-enmə zolağı parçalanıb, hərbi hissəyə məxsus bina uçub.
Türkiyənin vitse-prezidenti Fuat Oktayın sözlərinə görə, Hatay hava limanında, eləcə də Maraş və Antepdə də mülki uçuşlar dayandırılıb.
Qeyd edək ki, zəlzələ bu gün səhər saatlarında baş verib. Nəticədə həlak olanların sayı 284-ə, yaralıların sayı isə 2323-ə çatıb. Bununla yanaşı, 1710 bina uçub.