Rusiya Federal Kosmik Agentliyi Türkiyədə Hatayın Antakya rayonunda baş verən zəlzələnin təsirinin böyüklüyünü göstərən peyk görüntülərini yayımlayıb.
Sitat.info xəbər verir ki, Rusiya Federal Kosmik Agentliyinin verdiyi açıqlamada, Rusiya Fövqəladə Hallar Nazirliyinin müraciəti əsasında Türkiyədə zəlzələdən zərər çəkmiş bölgələrə texniki dəstək verildiyi bildirilib.
Türkiyənin cənub-şərq bölgələrində kosmosdan monitorinq aparıldığına diqqət çəkən açıqlama ilə yanaşı, Kanopus-V peykindən çəkilən və Hatayın Antakya rayonundakı dağıntının miqyasını göstərən görüntülər də paylaşılıb.
Seymur Bənnayev
Sitat.info
