Rusiyanın Ukraynanın Xerson şəhərinə təşkil etdiyi hücumda 6 nəfər həyatını itirib, ən azı 12 nəfər yaralanıb.
Sitat.info xəbər verir ki, Rusiya Ukraynanın Xerson şəhərində mülki yaşayış məntəqələrinə zərbələr endirib. Ukraynanın Cənub Əməliyyat Komandanlığından verilən açıqlamada, Rusiyanın bir avtobus dayanacağı və yaşayış binasını hədəf aldığı hücumda 6 nəfərin öldüyü, ən azı 12 nəfərin yaralandığı bildirilib.
Hücum nəticəsində bir çox binanın zədələndiyini qeyd edən Ukraynanın Cənub Əməliyyat Komandanlığı bildirib: "Düşmən Xersonda yaşayış məntəqələrinə, kritik infrastruktur obyektlərinə, uşaq bağçasına, xəstəxanaya və maşınlara zərbələr endirib".
Hücumdan sonra zərər çəkən bir çox binada yanğın baş verib.
Seymur Bənnayev
Sitat.info