Kremlin sözçüsü Dmitriy Peskov, Rusiyanın Yeni Strateji Silahların Azaldılması Müqaviləsini (START) davam etdirməsinin Qərb ölkələrindən asılı olduğunu ifadə edərək bildirib: "Hər şey Qərbin yanaşmasından asılı olacaq. Narahatlığımızı nəzərə almaq iradəsini ortaya qoysalar, vəziyyət dəyişəcək".
Sitat.info xəbər verir ki, Paytaxt Moskvada jurnalistlərə açıqlama verən Peskov, Rusiyanın qitələrarası nüvə ballistik raket imkanlarını cilovlamağı hədəfləyən ABŞ ilə Yeni START-da iştirakını dayandırmasını qiymətləndirib.
Qərb ölkələrinin Rusiyanın Yeni START qərarına ilkin reaksiyasının danışıqlar üçün "ümid verici" olmadığına diqqət çəkən Peskov, bildirib: "Digər tərəfdən, zamanla şərtlər dəyişə bilər. Rusiya təhlükəsizliyini təmin etmək üçün hər şeyi etməlidir. O cümlədən silahlara nəzarət məsələləri. Rəqiblərimizin normal danışıqlara yetişməsini gözləyərkən səbirli yanaşmamız çox vacibdir”.
Müzakirə şərtlərinin dəyişəcəyi təqdirdə Rusiyanın Yeni START-ı davam etdirə biləcəyini ifadə edən Peskov qeyd edib ki, hər şey Qərbin yanaşmasından asılı olacaq. Narahatlığımızı nəzərə almaq iradəsini ortaya qoysalar, vəziyyət dəyişəcək.
Məğrur
Sitat.info