Avropa İttifaqı ölkəsi Xorvatiya, Ukraynaya 14 helikopter göndərmək üçün hazırlıqlara başlayıb.
Sitat.info xəbər verir ki, Xorvatiyanın əhəmiyyətli qəzetlərindən olan Jutarnji List-dəki xəbərdə Xorvatiya Silahlı Qüvvələrinə aid 14 helikopterin Ukraynaya daşınması üçün hazırlıqlara başlanıldığı, ölkənin 12 Mİ 8 MTV-1 tipli və Ukraynaya 2 ədəd Mİ 8 T tipli helikopter göndərəcəyi barədə məlumat verib.
Anqarlarında lazımi texniki baxışdan keçən helikopterlər 10 gün ərzində hazır olacaq.
Helikopterlər əvvəlcə Polşaya, sonra isə Ukraynaya çatdırılacaq.
Bu arada Xorvatiya hökuməti Ukraynaya hərbi dəstəyi “gizli” saxlayarkən, baş nazir Andrey Plenkoviç isə noyabrda Ukraynaya 14 helikopter göndəriləcəyini bəyan etmişdi.
Ukraynaya hərbi yardım göndərilməsi ilə bağlı müxalif fikri ilə tanınan prezident Zoran Milanoviç vəziyyəti “mənim heç vecimə deyil” kimi qiymətləndirib.
Seymur Bənnayev
Sitat.info