Ukrayna Baş Qərargahı Rusiya ordusunun Bahmut istiqamətində irəliləməyə davam etdiyini və Bahmut şəhərinə hücumlarını davam etdirdiyini açıqlayıb.
Sitat.info xəbər verir ki, Rəyasət Heyətindən verilən açıqlamada, Rusiyanın Kupyansk, Liman, Bahmut, Avdiyivka və Şahtersk istiqamətlərində hücumlarını davam etdirdiyi bildirilib.
Rusiya hərbçilərinin Xarkov vilayətində 3 raket hücumu həyata keçirdiyi, dinc sakinlər arasında yaralıların olduğu bildirilib.
Açıqlamada, Rusiya ordusunun da 2-nin Şahed-136 PUA olmaqla 16 hava hücumu təşkil etdiyi bildirilib.
Ukrayna daxilində raket hücumu təhlükəsinin davam etdiyi qeyd edilən açıqlamada Rusiya qüvvələrinin son gündə Çerniqov, Sumı və Xarkov bölgələrindəki yaşayış məntəqələrini hədəfə aldığı qeyd edilib.
Bəyanatda Rusiyanın Belqorod vilayətinin sərhəd rayonlarında tank əleyhinə maneələr qurması ilə bağlı məlumatlar da yer alıb.
Rus əsgərlərinin Donetsk vilayətinin müxtəlif yerlərində uğursuz hücum əməliyyatları keçirdiyi iddia edilən açıqlamada, Rusiya qüvvələrinin Zaporojye və Xerson istiqamətlərində müdafiə mövqeyində qalmağa davam etdiyi bildirilib.
Seymur Bənnayev
Sitat.info