ABŞ Dövlət Departamentinin sözçüsü Ned Prays Beynəlxalq Atom Enerjisi Agentliyinin (MAQATE) İranın Fordo Nüvə Mexanizmində 83,7% zənginləşdirilmiş uran hissəciklərinin aşkar edilməsi barədə məlumatından sonra ABŞ-ın heç vaxt İranın nüvə silahı əldə etməsinə icazə verməyəcəyini deyib.
Sitat.info xəbər verir ki, ündəlik mətbuat konfransında MAQATE-nin hesabatı ilə bağlı sualları cavablandıran Prays bildirib: “Prezident Baydenin İranın heç vaxt nüvə silahına sahib olmayacağına dair qəti öhdəliyi var. Biz buna heç vaxt imkan verməyəcəyik”.
İranın nüvə proqramı problemini qalıcı şəkildə həll etməyin yolunun diplomatiyadan keçdiyini təkrarlayan Prays qeyd edib ki, İranın nüvə proqramının yaratdığı problemə qalıcı bir həll tapmaq istəyirik. Biz inanırıq ki, buna nail olmağın ən effektiv yolu diplomatiyadır. Amma biz çox aydınıq ki, İranın heç vaxt nüvə silahı əldə etməməsi üçün bütün lazımi vasitələrdən istifadə edəcəyik”.
Seymur Bənnayev
Sitat.info