Ukrayna-Rusiya müharibəsində Kiyevə hərbi dəstək verən Avropa müharibəyə hazırlıq planı hazırlayıb.
Sitat.info xarici KİV-ə istinadən bildirir ki, Avropa Komissiyasının 3 mərhələli planına uyğun olaraq, sursat həm Ukraynada, həm də bütün qitədə saxlanılır. Mütəxəssislər, planın Avropada sülhün sona çatdığını göstərdiyini bildirir.
Ukrayna NATO standartlarına uyğun daha çox sursatla təmin olunacaq.
Avropa ölkələri də öz silah ehtiyatlarını yeniləyəcək. Qitənin sursat istehsal gücü artacaq.
Almaniyanın Der Spiegel jurnalı yazır ki, Avropa Komissiyası Avropada sursat istehsalını artırmaq üçün plan hazırlayıb.
3 fazalı planın birinci məqsədi təcili olaraq Ukraynaya daha çox sursat tədarük etməkdir.
İkinci mərhələdə isə Aİ ölkələrinin azalan ehtiyatlarının artırılması hədəflənir.
Planın yekun mərhələsi uzunmüddətli perspektivdə Avropanın sursat istehsal gücünün artırılmasını nəzərdə tutur.
Avropa müdafiə sənayesinin ayda 20-25 min mərmi istehsal etmək qabiliyyətini 7 dəfə artırmaq planlaşdırılır.
Ekspertlər Avropa Komissiyasının bu addımını qitədə sülhün bitdiyinə işarə kimi qiymətləndirirlər.
Planın bu ayın sonunda liderlərin sammitində müzakirə ediləcəyi gözlənilir.
Məğrur
Sitat.info