Pakistanın Bəlucistan əyalətində polis maşınına intiharçı hücumu nəticəsində 9 polis məmuru həyatını itirib, 11-i yaralanıb.
Sitat.info xəbər verir ki, Dawn qəzetində yer alan xəbərə görə, Kaççi və Sibi bölgələri sərhədində olan Bolanda körpüdə polis maşınına intiharçı hücumu həyata keçirilib.
Hücum nəticəsində 9 polis əməkdaşı həyatını itirib, 11-i yaralanıb.
Hələlik hücuma görə məsuliyyəti üzərinə götürən olmayıb.
Son aylar Pakistanda, xüsusilə Xeybeə Paxtunxva və Bəlucistan əyalətlərində terror hücumları artıb.
İslamabad bildirir ki, bu hücumlar Əfqanıstanda yerləşən Pakistan Talibanı (TTP) tərəfindən planlaşdırılıb və idarə olunub. Əfqanıstan bu iddiaları rədd edir.
Qeyd edək ki, yanvarın 30-da Pakistanın Peşəvər şəhərində günorta namazı zamanı məscidə intiharçı hücumu nəticəsində əksəriyyəti polis olmaqla 102 nəfər həlak olmuşdu.
Seymur Bənnayev
Sitat.info