ABŞ-da baş verən güclü külək və qasırğalar nəticəsində ən azı 10 nəfərin həyatını itirdiyi bildirilir.
Sitat.info xəbər verir ki, ölkənin şimal-şərq və qərb sahillərinə təsir edən güclü külək və qasırğalar nəticəsində çoxlu dağıntılar qeydə alınıb, 1 milyondan çox insan işıqsız qalıb.
Alabama ştatında küləyin ağacları aşırması nəticəsində 3 nəfər ölüb. Missisipi ştatında bir nəfər ağacın maşının üzərinə aşması nəticəsində dünyasını dəyişib.
Arkanzas ştatında güclü yağışdan sonra sel altında qalan bir şəxs, Tennessi ştatında isə güclü külək səbəbi ilə ağacların aşması nəticəsində 2 nəfər həyatını itirib. Fırtınanın güclü təsir göstərdiyi Kentukki ştatının üç qraflığında üç nəfər ölüb.
ABŞ Milli Hava Xidməti (NWS) cümə günü saatda 128 kilometrə çatan güclü küləkləri "tarixi" adlandırsa da, ölkə daxilində elektrik kəsilməsini izləyən "PowerOutage.us" saytına görə, Kentukki, Miçiqan və Tennessidə 1 milyondan çox insan hava şəraiti səbəbindən işıqsız qalıb.
Seymur Bənnayev
Sitat.info