İsrail ordusu blokadada olan Qəzza zolağının cənubundakı hərbi müşahidə qülləsini atəşə tutub.
Sitat.info xəbər verir ki, İsrail ordusuna məxsus maşınlar Qəzzanın cənubundakı Xan Yunis şəhərinin şərq hissəsindəki Fələstin torpaqlarına daxil olub.
Ordu qüvvələri Qəzzada Daxili İşlər Nazirliyinin səhra qüvvələrinin nəzarətində olan hərbi müşahidə qülləsini top mərmiləri ilə bombalayıb.
İsrail ordusundan verilən yazılı açıqlamada: "Qəzza sərhədindəki təhlükəsizlik bölgəsində hərbi fəaliyyət göstərən İsrail qüvvələrinin yaxınlığında partlayıcının işə salındığı" bildirilib.
Açıqlamada, can itkisi və yaralanmaya səbəb olmayan hadisədən sonra ordu tanklarının HƏMAS-a aid bir nöqtəni bombaladığı bildirilib.
Fələstin administrasiyası hələlik məsələ ilə bağlı açıqlama verməyib.
Məğrur
Sitat.info