Rusiyanın hücumlarını intensivləşdirdiyi Ukraynaya silah göndərilməsi çağırışlarının artdığı bir mühitdə 1815-ci ildən bəri neytrallıq siyasətini davam etdirən İsveçrə hökuməti inventarda olan hava hücumundan müdafiə sistemlərinin bir hissəsini məhv etməyə qərar verib.
Sitat.info xəbər verir ki, bu çərçivədə İngiltərə istehsalı olan 60 Rapier hava hücumundan müdafiə batareyasının bir hissəsi məhv edilib.
Yaşıl Liberallar Milli Assambleyasının üzvü və Təhlükəsizlik Siyasəti Komissiyasının sədr müavini Fransua Pointet silahların Ukraynaya verilməsinin qanuni olaraq mümkün olduğunu və onların məhv edilməsinin absurd olduğunu bildirib. Avropa ölkələrinin Ukraynaya verməsi gözlənilən Leopard 2 tanklarının istehsalı ilə də məşğul olan İsveçrə öz istehsalı olan tankların daşınmasına icazə vermir. İsveçrə qanunları Ukrayna kimi müharibə edən ölkələrə silah və sursat satışını qadağan edir. Bununla belə, İsveçrənin “sahildən kənar sərvətlər” üçün bir nömrəli ünvan olduğu üçün etik deyil, iqtisadi narahatlıqlara görə neytral qalmaq istədiyi iddia edilir.
Məğrur
Sitat.info