ABŞ-ın B-52 uzaqmənzilli strateji bombardmançı təyyarəsinin iki ölkənin hava qüvvələrinin birgə araşdırması çərçivəsində Səudiyyə Ərəbistanının hava məkanından keçdiyi açıqlanıb.
Sitat.info xəbər verir ki, Səudiyyə Ərəbistanı Müdafiə Nazirliyinin Tvitter hesabında yer alan yazıda B-52 bombardmançısının ölkənin hava məkanını keçərkən Səudiyyə Ərəbistanı Kral Hərbi Hava Qüvvələrinə məxsus iki F-15SA qırıcısının müşayiət etdiyi bildirilib.
Yazıda, keçidin iki hava qüvvələrinin birgə işi çərçivəsində bölgənin sabitliyi və təhlükəsizliyinin gücləndirilməsi səylərinə töhfə vermək məqsədi daşıdığı vurğulanıb.
Birgə işin məzmunu barədə məlumat verilməyib.
B-52-nin hava məkanından keçərkən fotoları da paylaşılıb.