İsrail və Fələstin rəsmiləri Ramazan bayramına bir neçə gün qalmış iki ölkə arasında gərginliyi azaltmaq və zorakılığın artmasının qarşısını almaq üçün Misirdə bir araya gəlib.
http://Sitat.info xəbər verir ki, Misirin Xarici İşlər Nazirliyindən verilən açıqlamada, İsrail və Fələstin rəsmilərinin Ramazan ayının sayılı günlərində Misirin Şarm Əl-Şeyx şəhərində görüşdükləri bildirilib.
Bugünkü görüşün iki ölkə arasında gərginliyi azaltmaq, şiddətin artmasının qarşısını almaq, mövcud zorakılıq dövriyyəsini qırmaq və iki ölkə arasında sülhə nail olmaq üçün dialoqu dəstəkləmək məqsədi daşıdığı bildirilib.
Şiddət hallarının azaldılmasının sülh prosesinin bərpası üçün uyğun mühit yaradacağı qeyd edilən bəyanatda ABŞ və İordaniyanın görüşü dəstəklədiyi bildirilib.
Qeyd edək ki, İsrail və Fələstin rəsmiləri sonuncu dəfə fevralın 26-da İordaniyanın Aqaba şəhərində görüşmüşdülər.
Məğrur
Sitat.info