Avstraliyanın Alice Springs dağlıq ərazilərində baş verən yanğınlarda 100 min hektar ərazi külə dönüb.
Sitat.info xəbər verir ki, Avstraliyanın Şimal Ərazisi əyalətindəki Alis Sprinqs şəhərinin qərbində 5 fərqli nöqtədə baş verən yanğınlar genişlənir. Rəsmilərin verdiyi açıqlamalara görə, indiyədək yanğınlarda 100 min hektar ərazi zərər görüb.
MacDonnell dağ silsiləsindəki Tjoritja (Qərbi MacDonnell) Milli Parkının təxminən 20 faizi kül olub. Narweitooma, Glen Helen və Amburladakı mal-qara fermalarının da alovla mübarizə apardığı bildirilib.
Şimal Ərazisi Yanğın və Xilasetmə Xidmətindən verilən açıqlamada, cənubda meşə yanğınları mövsümünün aprel ayının sonuna qədər uzadıldığı və Mərkəzi Avstraliyada qarşıdakı həftələr üçün yanğın riskinin artdığı bildirilib.
Məğrur
Sitat.info