Almaniyanın Köln-Bonn hava limanında avtomobilin piyadaların üzərinə aşması nəticəsində xəsarət alanlar olub.
Sitat.info xəbər verir ki, Almaniyanın dördüncü böyük şəhəri Kölndəki Köln-Bonn Hava Limanının dayanacağında avtomobil sürücüsü qarmaqarışıqlıq yaradıb.
Polisin verdiyi məlumata görə, 57 yaşlı kişi icarəyə götürdüyü avtomobili 5-6 nəfərlik qrupun üzərinə sürüb, daha sonra ətrafdakı avtomobillərə çırpılıb.
Hadisə yerində xəsarət alanların olduğu bildirilib. Sürücü dayanacağa gələn polisə müqavimət göstərərkən, 2 polis yaralanıb.
Ruhi xəstə olduğu bildirilən sürücü xəstəxanaya aparılıb.
Seymur Bənnayev
Sitat.info