Rusiyanın Kireyevsk şəhərində Ukraynaya məxsus olduğu iddia edilən PUA-nın qəzaya uğraması nəticəsində baş verən partlayışda 2 nəfər yaralanıb.
Sitat.info xəbər verir ki, Rusiyanın paytaxtı Moskvanın cənub-qərbində, Tula vilayətinin Kireyevsk şəhərində Ukraynaya aid olduğu iddia edilən "Tu-141" tipli PUA-nın qəzaya uğraması nəticəsində şiddətli partlayış baş verib. Şəhərin mərkəzində baş verən partlayış nəticəsində 2 nəfər yüngül xəsarət alıb. Partlayışın baş verdiyi ərazidə böyük çuxur əmələ gələrkən, bir çox binaya ziyan dəyib. Hadisə yerinə Fövqəladə Hallar Nazirliyinə bağlı qruplar göndərilib və partlayışla bağlı araşdırmalara başlanılıb.
Seymur Bənnayev
Sitat.info
Rusiya mətbuatının hüquq-mühafizə orqanlarına söykəndiyi xəbərdə kəşfiyyat və kəşfiyyat məqsədləri üçün istifadə edilən İHA-nın partlayıcılarla dolu olduğu bildirildi.