Aprelin 18-də İsveçrənin Sürix şəhərində hərraca çıxarılacaq nəhəng T-Rex (Tyrannosaurus-Rex) dinozavr skeletinin 5-8 milyon İsveçrə frankı arasında satılacağı gözlənilir.
Sitat.info xəbər verir ki, ABŞ-dan İsveçrənin Sürix şəhərinə 9 böyük qutuda gətirilən “Trinity” adlı dinozavr skeleti “Tonhalle Zürich” konsert salonunda sərgilənməyə başlayıb. 3,9 metr uzunluğundakı skelet qırmızı xalçanın üzərinə qoyularaq ictimaiyyətə təqdim edilib.
Aprelin 18-də Koller hərrac evində hərraca çıxarılacaq nəhəng dinozavr skeletinin 5-8 milyon İsveçrə frankı arasında satılacağı gözlənilir. Dinozavr skeleti 2008-2013-cü illər arasında Montana və Vayominq ştatlarında qazılmış üç dinozavrın sümüklərindən ibarətdir. Satışın baş tutacağı hərrac evinin sahibi Siril Koller: “Bu skelet 3 dinozavrdan ibarət olduğu üçün Trinity adlanır”, - deyib
Sümüklərin 67 milyon il yaşı olduğu bildirilir.
Məğrur
Sitat.info