ABŞ-ın orta qərb və cənub ştatlarına təsir edən tornadolarda indiyədək ən azı 26 nəfər ölüb. Çoxlu sayda insan yaralanıb.
Sitat.info xəbər verir ki, Milli Hava Xidməti ötən gecə bildirib ki, Arkanzas, Missisipi, Ayova, Tennessi, İllinoys və Viskonsin də daxil olmaqla 8 ştatı əhatə edən geniş ərazidə son 24 saat ərzində 57-dən çox tornado hadisəsi qeydə alınıb.
Arkanzas qubernatoru Sarah Hukabi Sanders şiddətli fırtına xəbərdarlığı fonunda bölgədə fövqəladə vəziyyət elan edib.
ABŞ-ın İllinoys ştatında fırtına nəticəsində təxminən 260 nəfərin olduğu qapalı konsert zalının damının uçması nəticəsində 1 nəfər ölüb, onlarla insan yaralanıb.
Məğrur
Sitat.info