“Twitter”in “mavi quş” loqosu Dogecoin kriptovalyutasının loqotipindəki itlə əvəz edilib. Twitterdə bir çox dəyişiklik edən Elon Maskın son hərəkəti istifadəçiləri qəzəbləndirərkən, yüzdə 30 dəyər qazanan Dogecoin investorlarını sevindirib.
Sitat.info xəbər verir ki, ötən il Twitter-i 44 milyard dollara satın alan amerikalı iş adamı Elon Mask növbəti dəfə sosial media platformasını dəyişib. Yarandığı gündən bəri simvola çevrilən mavi quş loqosu Twitter-in internet versiyasında yerini Dogecoin-in it loqosuna buraxıb. Dəyişiklikdən sonra Degocoin 30 faiz dəyər qazanıb. Mask-a qarşı Dogecoini dəstəklədiyi və manipulyasiya etdiyi ilə bağlı iddia açılıb və Mask ittihamları rədd edib.
Dünyanın ən çox istifadə edilən sosial media platformalarından biri olan Twitter, Maskın mülkiyyətinə keçdikdən sonra davamlı olaraq dəyişmə vəziyyətindədir. Əvvəlcə platformada giriş səhifəsi dəyişdirildi. Abunə olmayan istifadəçilər platformada populyar məzmunu görəmə imkanı verildi. Daha sonra ödənişli olaraq “mavi tik” tətbiqi istifadəyə verildi. Daha sonra ödənişli abunəçilər üçün tvit yazarkən istifadə olunan simvolların sayı 280-dən 4000-ə çatdırıldı.
Şirkətin minlərlə əməkdaşını işdən çıxaran Mask bu yaxınlarda ABŞ-ın çoxdankı “The New York Times” qəzeti ilə ziddiyyət təşkil edib. Qəzetin dərc etdiyi bir xəbərdə, korporativ hesablarını yoxlamaq üçün Twitterə pul ödəməyəcəyini açıqlayan Mask, tvitində New York Times qəzetinin mavi işarəsinin silinəcəyini bildirərək qəzet haqqında mənfi şərhlər etmişdi.
Seymur Bənnayev
Sitat.info