“Barselona” futbol üzrə İspaniya çempionatının 30-cu turunun matçında “Atletiko Madrid”i məğlub edib. “Nou Kamp” stadionunda keçirilən görüş 1:0 hesabı ilə başa çatıb.
Sitat.info xəbər verir ki, yeganə qolu 44-cü dəqiqədə kataloniyalı hücumçu Ferran Torres vurub.
Mavi qranatlar üçün bu, cari La Liqa mövsümündə 23-cü təmiz qoldur. Çempionatın ilk 30 matçında Xavinin yetirmələri cəmi 9 dəfə qol buraxıb. Bu, ingilis, ispan, alman, italyan, fransız, portuqal və holland tarixində ən yaxşı nəticədir.
“Barselona”dan əvvəl rekord “Porto” (1991/92 mövsümündə 30 turda on qol) və Londonun “Çelsi”si (2004/05 mövsümündə 30 turda 10 qol) idi.
“Barselona” 30 matçda 76 xalla İspaniya çempionatının turnir cədvəlinə başçılıq etməkdə davam edir. “Real Madrid” 65 xalla ikinci, “Atletiko” 60 xalla üçüncü yerdədir.
“Barselona” aprelin 26-da “Rayo Valyekano” ilə qarşılaşacaq.