Ukrayna prezidenti Vladimir Zelenski Türkiyənin vasitəçilik cəhdləri ilə Rusiyaya göndərilən ukraynalı siyasətçi Viktor Medvedçukun da olduğu 4 rusiyayönlü siyasətçini vətəndaşlıqdan məhrum edib.
Sitat.info xarici mediaya istinadən xəbər verir ki, Rusiyanın Ukraynaya qarşı müharibəsindən sonra rusiyayönlü ukraynalı siyasətçi Viktor Medvedçuk ötən ilin aprelində vətənə xəyanət ittihamı ilə Ukrayna kəşfiyyatı tərəfindən saxlanılıb.
Vladimir Putinə yaxınlığı ilə tanınan Medvedçuk ötən ilin sentyabrında Türkiyənin Rusiya ilə Ukrayna arasında məhbus mübadiləsinə vasitəçilik etməsindən sonra Rusiyaya göndərilib. Putinin Medvedçukun qızlarından biri olan Dariyanın xaç atası olduğu deyilir.
Ukrayna prezidenti Vladimir Zelenski Rusiyayönlü müxalifət siyasətçiləri Andrey Derkaç, Taras Kozak, Renat Kuzmin və Viktor Medvedçuku vətəndaşlıqdan məhrum edib.
Nərgiz,
Sitat.info