Yunanıstan cümə axşamı günü Aydının Didim səmtində Egey dənizində Türkiyə və Yunanıstan Sahil Mühafizəsi ünsürləri arasında yaranan qısamüddətli gərginliyi üzvü olduğu Avropa Birliyinə (AB) çatdırıb və Türkiyəyə qarşı sanksiyaların tətbiqini tələb edib.
Sitat.info xəbər verir ki, Yunanıstanın xarici işlər naziri Nikos Dendias, AB-nin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borell-ə göndərdiyi və hadisə ilə bağlı Yunanıstanın iddialarını ehtiva etdiyi məktubda Türkiyənin izlədiyi taktikanın təhlükəli mühit yaratdığını və "qəza" ehtimalını artırdığını iddia etdi.
Türk Sahil Mühafizəsi ünsürlərinin təkcə Yunanıstan Sahil Mühafizəsi qayıqlarına qarşı deyil, Yunan balıqçı qayıqlarına qarşı da təcavüzkar olduğunu iddia edən Dendias, yunan balıqçıların maddi ziyana uğradığını da müdafiə etdi. Vəziyyət dəyişməzsə, Dendias AB-nin türk dəniz məhsullarına tətbiq etdiyi sanksiyaları da gündəmə gətirib və məktubunda Türkiyə rəsmilərinin Yunanıstanla bağlı açıqlamalarına yer verib.
Yunanıstan Sahil Mühafizəsi ünsürlərinin türk balıqçılara təcavüz etməsindən sonra Türkiyə Sahil Mühafizəsi elementləri bölgəyə gedərkən tərəflər arasında gərgin anlar yaşanıb.
Seymur Bənnayev
Sitat.info