İsrailin Ukraynaya rus işğalçılarına qarşı mübarizədə necə kömək edəcəyi məlum olub.
Sitat.info xəbər verir ki, bu barədə Ukraynanın İsraildəki səfiri Yevgeni Korniyçuk məlumat verib .
O, qeyd edib ki, İsrail texnologiyalarının transferi üzərində iş gedir.
İsrail Ukraynaya yardım paketi verəcək. Söhbət raketlərin və dronların smart bildirişi ilə bağlı texnologiyalardan gedir.
"Raketlər və dronlarla ağıllı xəbərdarlıqla bağlı İsrail texnologiyalarının ötürülməsi üzərində iş davam edir. Yəni bu texnologiya İsrail tərəfindən rəsmən ötürülür. Hesab edirəm ki, bir müddət sonra biz onu tam şəkildə alacağıq", - Ukraynanın İsraildəki səfiri Yevgeni Korniyçuk bildirib.
Xatırladaq ki, İsrail Moskva ilə münasibətləri korlamamaq üçün Kiyevə hərbi yardım göstərməkdən imtina etmişdi, ona görə də humanitar yardımla məhdudlaşmışdı.
Səid İsaoğlu,
Sitat.info