Braziliyanın keçmiş ədliyyə naziri Anderson Torres (solda), keçmiş prezident Jair Bolsonaro Oktyabr ayında Braziliyada keçirilən seçkilərdə uduzan keçmiş prezident Jair Bolsonaronun kabinetində ədliyyə naziri vəzifəsini icra edən Anderson Torresin evində seçkilərdə məğlubiyyətə uğradığı halda vəziyyətin “düzəlməsi” üçün təcili addımların atılması planını ehtiva edən sənəd var.
Polisin axtarışında tapılan sənəddə ifrat sağçı hökumətin seçkilərdə uduzması halında vəziyyəti “düzəltmək” üçün təcili addımların atılmasını (öz xeyrinə) nəzərdə tutur.
Torres keçmiş kabinetdə nazir vəzifəsində çalışsa da, yeni prezident Luiz İnasio Lula da Silvanın dövründə ona paytaxt Braziliyanın təhlükəsizlik rəisi vəzifəsi verildi.
Lakin bazar günü hadisəli aksiyalardan sonra o, “Bolsonaro tərəfdarı üsyançılarla gizli əməkdaşlıq” səbəbi ilə işdən çıxarılıb və Ali Məhkəmə tərəfindən həbs qərarı çıxarılıb.
“Folha de S. Paulo” qəzetində dərc olunan sənəddə Ali Seçki Məhkəməsi (TSE) üçün “müdafiə vəziyyəti” nəzərdə tutulur.
Məqsəd “2022-ci il prezident seçkiləri prosesinin şəffaflığının qorunması və operativ şəkildə bərpası və korrektə edilməsi” kimi ifadə edilir.
Mətndə TSE-nin seçkiyə nəzarət funksiyalarını öz üzərinə götürmək üçün Müdafiə Nazirliyinin səkkiz əməkdaşı və digər doqquz nəfərdən ibarət seçki “redaktə komissiyası”nın yaradılması təklifi də yer alır.
Hazırda ABŞ-da olan Torres sosial media hesabından verdiyi açıqlamada bu sənədin "ehtimal ki" evində məhv edilməli olan çoxsaylı sənədlərdən biri olduğunu bildirib.
Torres həmçinin bildirib ki, sənədin məzmunu ona qarşı “anlaşılmazlığı daha da artırmaq” üçün “kontekstdən çıxarılıb”.
Braziliyada minlərlə insan bazar günü paytaxtda Prezident, Ali Məhkəmə və Konqres binalarını zəbt edib.
Özlərini “Bolsonarista” adlandıran minlərlə insan bazar günü paytaxtda Prezident, Ali Məhkəmə və Konqres binalarını zəbt edib, pəncərələri və mebelləri sındırıb, qiymətsiz sənət əsərlərini dağıdıb, hərbi çevrilişə çağıran mesajlar buraxıb.
Torres və Bolsonaro isə vəziyyətlə heç bir əlaqəsi olmadığını bildirib və onlara qarşı irəli sürülən ittihamları rədd ediblər.
Ancaq xaos günü Torresin Bolsonaronun yanında olmasının səbəbi hələlik məlum deyil.
Seymur Bənnayev
Sitat.info