ABŞ bal arıları üçün dünyada ilk peyvəndin istifadəsinə icazə verib.
Sitat.info xəbər verir ki, Arı sürfələrinə hücum edərək koloniyaları zəiflətdiyi bilinən bakteriyaya qarşı hazırlanmış peyvənd Amerika Foulbrood xəstəliyindən ölümlərin qarşısını almaq üçün hazırlanıb.
Peyvənd üzərində işləyən biotexnologiya şirkəti Dalan Animal Health bu həftə ABŞ Kənd Təsərrüfatı Departamentindən (USDA) vaksin üçün şərti lisenziya aldığını açıqladı.
Şirkətin baş direktoru Annette Kleiser, peyvəndin "bal arılarının qorunmasında inqilab edə biləcəyini" söylədi.
Peyvəndi kommersiya arıçılara "məhdud şəkildə" paylamağı planlaşdırdığını açıqlayan Dalan, məhsulun bu il ABŞ-da satın alına biləcəyini qeyd etdi.
Peyvənd kraliçaya verilən arı südünə bakteriyanın təsirsiz hala salınmış versiyasını əlavə etməklə işləyir. Bu zaman arının sürfələri immunitet qazanır.
USDA-nın məlumatına görə, 2006-cı ildən bəri ABŞ-da bal arısı koloniyalarında illik azalmalar müşahidə olunur.
Parazitlər, zərərvericilər və xəstəliklərlə yanaşı, işçi arıların pətəyi tərk edərək ana arını geridə qoyması nəticəsində ortaya çıxan Koloniyanın Çökmə Bozukluğu da bal arılarını təhdid edir.
Məlumdur ki, arılar öz tozlandırıcı xüsusiyyətləri ilə ekosistemdə mühüm rol oynayırlar. Birləşmiş Millətlər Təşkilatının Ərzaq və Kənd Təsərrüfatı Təşkilatının məlumatına görə, arılar, quşlar və yarasalar kimi polen istehsalçıları dünya məhsul istehsalının təxminən üçdə birinə cavabdehdir.
Yoluxucu Amerika yavru xəstəliyinin müalicəsi yoxdur. Bu xəstəliyə yoluxmuş arı ailəsi pətək və avadanlıqlarla birlikdə yandırılır, yaxınlıqdakı koloniyalar isə antibiotiklərlə müalicə olunur.
Seymur Bənnayev
Sitat.info