İngiltərə kraliçası II. Elizabet taxta çıxmasının 70-ci ili münasibətilə "Platinum" Yubiley tədbirində iştirak edib. Bir müddətdir sağlamlıq problemləri ilə mübarizə aparan və dəvətlərə qatıla bilməyən 96 yaşlı Kraliça füsunkar görünürdü.
SİTAT.İNFO xarici mediaya istinadən xəbər verir ki, Windsor qəsrində keçirilən tədbirə əlindəki əsa ilə qatılan kraliçanı İngiltərədən bir çox önəmli şəxslər müşayiət edib.
Qonaqlar arasında Britaniya əfsanələri Helen Mirren və Damian Lyuisdən başqa, amerikalı aktyor Tom Kruz da olub.
Platin yubiley çərçivəsində təşkil edilən bu ilk tədbirdə Kraliçanın şən davranışı diqqət çəkib.
Səhhətində problem olduğu üçün parlamentdə açılış nitqi söyləyə bilməyən və 3 gün sonra Windsorda keçirilən şouya qatılan Kraliçanın bu tədbirə qatılıb-qatılmayacağı son dəqiqəyə qədər bəlli deyildi.
Tədbirə kral maşını ilə gələn və 5000-dən çox insanın alqışları ilə qarşılanan Kraliçanı kiçik oğlu Şahzadə Edvard müşayiət edib.
NTV-də yayımlanan xəbərə görə, tədbirə qatılan Hollivud filmlərinin məşhur siması Tom Kruz kraliçanın Britaniya və dünya tarixinə verdiyi töhfələr haqqında xüsusi çıxış edib.
Kruz çıxışında kraliçaya heyran olduğunu dilə gətirib.
Safura Bənnayeva
SİTAT.İNFO