ABŞ-dan Tayvana ediləcək ən yüksək səviyyədə səfər Çini ürkütdü.
Ağ Ev və Dövlət Departamenti Pelosinin səfərinə qarşı olduğu anlaşılsa da, Ağ Evin Milli Təhlükəsizlik Şurasının sözçüsü Con Kirbi jurnalistlərə bildirib ki, ABŞ prezidenti Nensi Pelosinin istədiyi yerə getmək hüququ olduğunu söyləyib.
"Çinin Pelosinin mümkün səfərini böhrana çevirməsinə ehtiyac yoxdur" deyən Kirbi, Pekinin adanın yaxınlığında hərbi güc nümayişi edə biləcəyini də qeyd edib.
SİTAT.İNFO xəbər verir ki, hər iki tərəfin təyyarəsi normal olaraq Tayvan boğazında iki dövlətin ərazi dənizlərini ayıran Media xəttini keçmir.
Çin təyyarəsi bu demarkasiya xəttinə dəfələrlə "taktiki toxunuşlar" edib, Tayvan təyyarələri isə yaxınlıqda dayanıb.
Bazar ertəsindən etibarən bir neçə Çin döyüş gəmisi də boğazdakı qeyri-rəsmi bufer zonasının yaxınlığında yerləşdirilib.
Tayvan Pelosinin rəsmi cədvəlində deyil, lakin mediada yayılan xəbərlərə görə, ABŞ Nümayəndələr Palatasının sədri adaya səfər etməyi planlaşdırır.
Tayvan mediası səfərin çərşənbə axşamı baş tutacağını irəli sürüb.
Çin belə bir səfərin “ciddi nəticələrə” səbəb olacağı barədə xəbərdarlıq edib və Tayvan boğazında bir sıra hərbi təlimlər keçirəcəyini açıqlayıb. Bu məsələ ABŞ prezidenti Co Bayden və Çin lideri Si Cinpin arasında keçirilən videokonfrans görüşündə də gündəmə gəlib.
Çin Tayvanı ayrıca ölkə kimi tanımır və onu özünün bir hissəsi hesab edir.
25 ildir ki, heç bir yüksək vəzifəli amerikalı məmur Tayvana səfər etməyib.
Pelosinin turuna rəsmi olaraq Sinqapur, Malayziya, Cənubi Koreya və Yaponiya da daxildir.
Nərgiz ,
SİTAT.İNFO