BMT-nin baş katibi Antonio Quterreş xəbərdarlıq edib ki, dünya Soyuq Müharibə dövründən bəri görünməyən dəhşətli nüvə müharibəsi və fəlakət astanasındadır.
Qüterreş deyib ki, bəşəriyyət nüvə təhlükəsindən bir yanlış anlama, bir səhv hesablama qədər uzaqdadır.
SİTAT.İNFO xəbər verir ki, BMT-nin Nüvə Silahlarının Yayılmaması Müqaviləsinə üzv olan ölkələrin qatıldığı konfransın açılışında çıxış edən Quterreş bu sözləri deyib:
“İndiyə qədər qeyri-adi bir şəkildə şanslı idik. Nüvə silahları geosiyasi gərginliyin nüvə münaqişələrinə çevrilməsinə qarşı bir qalxan kimi görülə bilməz".
Ukraynadakı müharibəyə, Asiya və Yaxın Şərqdəki nüvə təhlükələrinə toxunan Quterreş beynəlxalq gərginliyin yeni zirvələrə yüksəldiyini bildirib.
Ləman Sərvanqızı
SİTAT.İNFO