Ukrayna Baş Qərargahının verdiyi açıqlamada 24 fevral-31 may tarixləri arasında Rusiya ordusunun itkiləri ilə bağlı məlumat yer alıb.
SİTAT.İNFO xəbər verir ki, Rusiya ordusunun son 24 saatda 150 əsgər, 8 pilotsuz uçuş aparatı, 1 təyyarə, 9 tank, 6 artilleriya və 20 zirehli texnika itirdiyi, 2 Rusiya qanadlı raketinin məhv edildiyi bildirilib.
Müharibə başlayandan bəri Rusiya ordusu ümumilikdə 30.500 əsgər, 208 təyyarə, 174 helikopter, 1358 tank, 3302 zirehli texnika, 649 top, 207 reaktiv yaylım atəşi sistemi və 93 hava hücumundan müdafiə sistemi itirib.
Həmçinin 2275 avtomobil, 13 gəmi, yüngül sürətli qayıq və 515 pilotsuz uçuş aparatının da itdiyi bildirilib.
Bundan əlavə, rusların atdığı 120 qanadlı raketin Ukrayna hava hücumundan müdafiə bölmələri tərəfindən vurularaq məhv edildiyi bildirilib.
Açıqlamada, həmçinin, Rusiya əsgərlərinin ölkənin Slobojanskiy istiqamətində hücum təşkil etmək üçün hazırlıqlarını davam etdirdiyi, Slavyansk, Severodonetsk, Port və Bahmutskada mülki binaları hədəf alan hücumlar təşkil etdiyi bildirilib.
Rusiya Müdafiə Nazirliyinin martın 25-də verdiyi açıqlamada Ukraynada 1351 rus əsgərinin öldüyü açıqlanıb.
Safura Bənnayeva
SİTAT.İNFO