Rus işğalçıları iyunun 5-də Xəzər dənizindən Kiyevi atəşə tutublar.
SİTAT.İNFO xəbər verir ki, Kiyevdəki Darnitski avtomobil təmiri zavoduna raket hücumunun nəticələrinin fotoları paylaşılıb.
Şəkilləri Kiyev Şəhər Dövlət Administrasiyası dərc edib.
Qeyd edildiyi kimi, ukraynalılar Rusiyanın raket atəşinə məruz qalan yerlərdə yenə də işlərini davam etdirirlər.
"Hazırda infrastruktur obyektlərinə raket hücumları nəticəsində tələfat yoxdur. Bir qurban xəstəxanaya yerləşdirilib. Hücum baş verən yerlərdə iş hələ də davam edir. Xidmət sahələri də işləyir", - Kiyev Şəhər Dövlət Administrasiyası rəsmisi Nikolay Povoroznik bildirib.
Qeyd edək ki, bazar günü səhər, iyunun 5-də Kiyevin iki rayonunda partlayışlar baş verib.
Rusiya raketlərinin atəşə tutması nəticəsində Darnitsa avtomobil təmiri zavodu üç emalatxanasını itirib, lakin onlar sənayenin digər müəssisələri ilə əməkdaşlıq edərək burada avtomobillərin təmiri və istehsalını bərpa etməyə çalışacaqlar.
Partlayışlar nəticəsində bir nəfər xəsarət alıb, o, xəstəxanaya yerləşdirilib.
Daha sonra Britaniya kəşfiyyatı bildirdi ki, Rusiya Qərb silahlarının tədarükünü pozmaq üçün Kiyevi atəşə tutub.
Ləman Sərvanqızı
SİTAT.İNFO