Ukraynanın ən məşhur “qanuni oğru”larından biri Antimos Kuxilava 65 yaşında Türkiyədə dünyasını dəyişib.
“Qafqazinfo” “Strana”ya istinadən xəbər verir ki, “Antik”, “Deduşka” ləqəbləri ilə tanınan “qanuni oğru” Antalyada xəstəxanalardan birində ölüb. Onun ölüm səbəbinin isə səhhətinin ümumən pisləşməsi göstərilib.
Bildirilir ki, A.Kuxilava yarım il əvvəl xəstəxanaya yerləşdirilib və əməliyyat olunub. Belə ki, onun başında şiş olduğu məlum olub.
Məlumata görə, Kuxilavanın cənazəsi Ukraynaya göndəriləcək və bunun ardınca sentyabrın 19-u kriminal avtoritet ilə vida və dəfn mərasimi keçiriləcək.