Ukraynanın “ölülər ordusu” adlandırdığı rus qoşunları hücumlarını Donetsk bölgəsindəki Baxmuta cəmləyib.
Sitat.info-nun xarici mediaya istinadən məlumatına görə, Zelenski qurudan amansız hücumlarla davamlı bombardmana məruz qalan şəhərdə baş verənlərlə bağlı, “Rusların çılğınlığı ən çox burada özünü göstərir. Ən yüksək səviyyədə artilleriya zərbələri ilə insanları ölümə sürükləyirlər” – deyib.
Lakin Baxmut kritikdir, çünki o, hazırda Ukraynanın Sloviansk və Kramatorsk şəhərlərinə gedən əsas yoldadır. Şəhərin alınacağı təqdirdə müharibənin Rusiyanın xeyrinə dəyişəcəyi düşünülür.
Ukrayna hərbi mənbələri Rusiyanın bölgəyə göndərdiyi intiharçı qüvvələri “Ölülər Ordusu” kimi xarakterizə edir. Çünki əsgərlərin bölgədən sağ qalaraq ölkələrinə qayıtması qeyri-mümkün hesab edilir.//Manset.az