Ötən il ABŞ və NATO qüvvələrinin çıxarılması ilə Əfqanıstanda hakimiyyəti ələ keçirən Taliban, paytaxt Kabildə qadınların park və lunaparklara girməsini qadağan edib.
Sitat.info xarici mediaya istinadən xəbər verir ki, Talibanın Zorakılığın Qarşısının Alınması və Fəzilətin Təşviqi Nazirliyi qadınların ictimai parklara girişinin məhdudlaşdırılacağını açıqlayıb.
Reuters agentliyi Kabildəki əyləncə parkına daxil olmaq istəyən qadınların Taliban üzvləri tərəfindən geri qaytarıldığını bildirib.
Yerli sakin Masooma, "Ana uşaqları ilə gələndə onlara parka girməyə icazə verilməlidir. Amma bizi parka buraxmadılar və indi evə gedirik" -deyib.
Əfqanıstanda nəzarəti ələ keçirən , bundan sonra isə qadınların hüquqlarını əlindən alan Taliban, qadınların kişisiz səyahətini qadağan edib və evdən kənarda burka (gözlərin də örtüldüyü çadra geyimi) geyinməyi zəruri edib. Ölkənin çox hissəsində qızların orta və ali məktəb səviyyəsində dövlət məktəblərində təhsil almasına icazə verilmir.
Nərgiz,
SİTAT.İNFO