İran qabaqcıl hava hücumundan müdafiə sistemlərindən yan keçə bilən yeni “hipersəs ballistik raket” hazırladığını açıqlayıb.
Sitat.info İRNA xəbər agentliyinə istinadən xəbər verir ki, İran İnqilab Keşikçiləri Ordusu Hərbi Hava Qüvvələri komandanı briqada generalı Əmir Əli Hacızadə paytaxt Tehranda keçirilən tədbirdə ölkəsinin yeni ballistik raket hazırladığını bildirib.
Sözügedən ballistik raketin hipersəs sürətinə malik olduğunu deyən Hacızadə, onun qabaqcıl hava hücumundan müdafiə sistemlərinin öhdəsindən gələ bildiyini, həm atmosferdə, həm də çöldə manevr qabiliyyətinə malik olduğunu iddia edib. İran komandiri məsələ ilə bağlı əlavə məlumat verməyib.
Səs sürətindən 5 qat daha sürətli hərəkət edən hipersəs raketlərinin bu xüsusiyyətlərinə görə hava hücumundan müdafiə sistemləri onun qarşısını ala bilmir.
Seymur,
SİTAT.İNFO