Belarus Prezidenti Aleksandr Lukaşenkonun Rusiyanın paytaxtı Moskva şəhərinə səfəri başlayıb.
Report TASS-a istinadən xəbər verir ki, o, Rusiyanın dövlət başçısı Vladimir Putinlə görüşəcək.
Liderlər ikitərəfli münasibətlərin hazırkı durumunu və gələcək inkişaf perspektivlərini, ABŞ, Avropa İttifaqı və digər ölkələrin sanksiyalarının təzyiqi altında iqtisadi əməkdaşlığı müzakirə edəcəklər.
Bundan başqa, dövlət başçıları regional proseslər, o cümlədən Ukraynadakı durum barədə fikir mübadiləsi aparacaqlar.