Türkiyə Mərkəzi Bankının ehtiyatları aprelin 1-dən bir həftə ərzində 924 mln. ABŞ dolları artaraq 108,9 mlrd. dolları üstələyib.
SİTAT.İNFO Apa-a istinadən xəbər verir ki, bu barədə Mərkəzi Bankın həftəlik nəşrində deyilir.
Müvafiq olaraq, Mərkəzi Bankın ümumi valyuta ehtiyatları aprelin 1-nə 1,219 mlrd. dollar artaraq 66,857 mlrd. dollar olub. Ümumi valyuta ehtiyatları martın 25-nə 65,638 mlrd. dollar təşkil edib.
Nəzərdən keçirilən dövrdə qızıl-valyuta ehtiyatları 295 mln. dollar azalaraq 42,399 mlrd. dollardan 42,104 mlrd. dollara enib.