Rusiya ordusu tərəfindən mühasirəyə alınmış Mariupol şəhərində Ukraynanın dəniz piyadalarının 36-cı briqadası döyüşçüləri çətin əməliyyat sayəsində “Azov” alayı ilə birləşib.
SİTAT.İNFO Axar.az-a istinadən xəbər verir ki, bunu Ukrayna Prezident Ofisi rəhbərinin müşaviri Aleksey Arestoviç Feysbuk səhifəsində yazıb.
"Bu əməliyyat nəticəsində həm “Azov” alayı ciddi dəstək əldə edib, həm də 36-cı briqada hissə-hissə məhv edilməkdən qurtulub. Artıq şəhəri müdafiə edən qüvvələr daha geniş imkanlar qazanıblar. Zabitlər başını itirmədən komandanlıq cilovunu əldə saxlayanda bəhrəsi də belə olur. Biz də başımızı itirməyək. Ordumuz nə edəcəyini bilir”, - o vurğulayıb.