Vladimir Putin Ukraynanın “Moskva” kreyserini batırmasına görə qəzəblənib. O, müharibəni sona çatdırmaq üçün diplomatik yollara marağını itirib. Putin mümkün qədər daha çox Ukrayna ərazisini ələ keçirmək əzmindədir.
Sitat.info xəbər verir ki, bu barədə “Faynənşl Tayms” yazır.
"Razılaşmaya ümid var idi. Ancaq kreyserin batmasından sonra hər şey dəyişdi. Putin nəyəsə imza atmağın əleyhinə oldu. "Moskva" kreyserindan sonra o, qalib kimi görünməzdi, çünki bu, alçaldıcı idi", - bildirilib.
Qeyd edək ki, aprelin 13-də Qara dənizdə Rusiyanın "Moskva" kreyseri Ukraynanın "Neptun" qanadlı raketləri ilə vurulub.
/Axar.az