Rusiya ordusu Ukraynada cəbhə xəttinin bütün istiqamətlərindən hücuma keçib.
Sitat.info xəbər verir ki, bunu Ukrayna Prezident Ofisi rəhbərinin müşaviri Aleksey Arestoviç deyib.
O, rusların bu qərarını olduqca qəribə adlandırıb:
"Düşünməyə başlayıram ki, bəlkə Xristo Qrozev (araşdırmaçı jurnalist - red.) doğrudan da haqlıdır, Vladimir Vladimiroviç (Putin) bütün əməliyyatlara şəxsən nəzarət etmək qərarına gəlib. Hərbi baxımdan bu, ən böyük axmaqlıqdır, amma həqiqətən də onlar hər yerə hücum etməyə çalışırlar”, - o bildirib.
Arestoviç qeyd edib ki, hücum təkcə Donbasda deyil, Xerson vilayətindən Krivoy Roq istiqamətində də qeydə alınıb:
“Bundan əvvəl Zaporojye və Nikolayev yaxınlığında da düşmən fəallığı qeydə alınmışdı”.
/Axar.az